Сарманнан Люция Алиуллина лотереяда чыршы отты

"Сарман: иң яңа хәбәрләр", 16 декабрь 2022 - 15:44

500

Дуслар! Бүген Сарман мәгълүмат-мөхәррият үзәгендә Чәй көне бәйрәм ителүе турында барыгыз да хәбәрдардыр.

Вәгъдә иткәнчә, без 5-15 декабрь көннәрендә ташламалы ункөнлек кысаларында «Сарман» һәм «Новый Сарман» газеталарына язылучылар арасында лотерея уйнаттык.
Бу вакыт аралыгында район газеталарына туксанга якын кеше язылган. Лотерея нәтиҗәләре буенча алар арасында матбугат үзәгеннән аерым бүләк ияләре ачыкланды. Иң зур бүләккә – хуш исле яшел матур чыршыга район үзәк хастаханәсенең табиб-педиатры Люция Алиуллина лаек булды. Котлыйбыз! Алга таба да район яңалыклары белән бергә атлыйк, хөрмәтле абунәчеләребез!