Районда Үзәк чыршы урнаштырылды

Үзәк урамдагы агачлар төрле-төрле яктырткычлар белән бизәлделәр, оешма-предприятиеләр яннарында җем-җем итеп утлар яна. Якшәмбе көнне Ял паркына Үзәк чыршы урнаштырылды. Паркта шулай ук тау, лабиринт ясыйлар. Паркка керү юлында райондашларны, районыбыз кунакларын Кыш бабай белән Кар кызы, Ел символы каршы алачак. Башка еллардан аермалы буларак, быел бакчаны эстетик яктан зәвыклы итеп бизәргә исәпләгәннәр. Бик матур булачак, хөрмәтле дуслар. Эштән, укудан тыш вакытларыгызны саф һавада уздырыгыз, бакчага кунакка килергә дә җай табыгыз. Күңелле яллар телибез! 

Альбина Сабирова язмасы һәм фотолары.