Күтәмәле өлкәннәре үзара салым күләмен арттырырга тәкъдим иттеләр +ВИДЕО

- Аллага шөкер, җирлектә бик күп эшләр эшләнелә. Үзара салым акчаларының күләмен арттырыйк, тагын да күбрәк эшләр башкарырга мөмкинлек туар иде, - диделәр өлкәннәр, авыл мәдәният йортына бәйрәмгә җыелгач.
Аларны бүген күңелле бәйрәм иртәсе очраштырды. Кичә авылның абыстае Мөбинә апаның дога-сүрәләр укуы белән башланып китте. Яңа Имән авыл җирлеге башлыгы Рөстәм Гәрәев килгән өлкәннәрне тәбрикләп, рәхмәт һәм котлау сүзләрен җиткерде. Авыл ветераннар Советы рәисе Әлфия Галиева да тәбрикләде. Авыл мәдәният йорты һәм башка бюджет оешмалары хезмәткәрләре тырышлыгы белән әзерләнгән бәйрәмдә өлкәннәр үзләре дә җырладылар, матур шигырьләрен бүләк иттеләр.

Альбина Сабирова