Гариза бирмичә дә алырга мөмкин

"Россия Федерациясе Хөкүмәтенең 240 санлы Карарына (07.04.2008) үзгәрешләр кертү турында"гы 69 санлы (27.01.2024) РФ Хөкүмәте Карары нигезендә, махсус хәрби операциядә катнашу нәтиҗәсендә травма алган инвалидлар техник тернәкләндерү чараларын гариза бирмичә генә ала алалар.

Махсус операциядә яки ирекле формированиедә контракт буенча бурычларын үтәгәндә травма яки гариплек алган инвалидка карата вәкаләтле орган аның реабилитация программасы медицина-социаль экспертизасы оешмасыннан кергәннән соң биш эш көненнән дә соңга калмыйча техник чара бирү яки ремонтлау буенча карар чыгарырга тиеш.

Фото:https://ru.freepik.com