Алинага паспортны Дәүләт Советында тапшырдылар

"Сарман: иң яңа хәбәрләр", 25 декабрь 2019 - 08:23

1209

Татарстан Республикасы Дәүләт Советында Россия Федерациясенең яшь гражданнарына тантаналы рәвештә паспорт тапшыру чарасы күркәм традициягә әверелде.

. Декабрь аенда “Мин – Россия гражданины!” акциясе кысаларында үткәнендә Сарман гимназиясе укучысы Алинә Салихова да катнашты. Ул Дәүләт Советы рәисе Фәрит Мөхәммәтшин кулыннан шәхесне билгеләүче төп документын алды.

Иң элек Дәүләт Советында экскурсиядә булдык – Парламентаризм музеен, мөһим карарлар кабул ителә торган утырышлар залын карадык. Миңа бик ошады. Мондый тантаналы шартларда паспорт алуым белән мин чиксез горурланам. Бу вакыйга, истәлекле булып, күңелемә кереп калачак, - диде ул.

Республиканың төрле шәһәрләре һәм районнарыннан килгән 36 укучыга бу көнне паспорт тапшырыла.

Иң мөһиме: тырышып укыгыз, тәҗрибә туплап, ныклы тәрбия белән мөстәкыйль тормышка аяк басарлык булыгыз, - дип белдерә Фәрит Хәйрулла улы, изге теләкләрен юллап.
Альбина Сабирова язмасы.