«Шәфкать» үзәгенең проекты халыкара җиңү яулаган
Россиядә һәр елны 8 июньдә Социаль хезмәткәр көне билгеләп үтелә. Ул халыкны социаль яклау өлкәсендә эшләүчеләргә – мохтаҗларга, өлкәннәргә, инвалидларга һәм ятимнәргә ярдәм итүчеләргә багышлана. Бу көн очраклы гына сайланмаган: нәкъ менә 1701 елның 8 июнендә Петр I фәрманы белән ярлы, авыру һәм карт кешеләр өчен махсус дәүләт учреждениеләре булдырыла. «Шәфкать» халыкка социаль хезмәт күрсәтү үзәге директоры Ландыш Мөхлисуллина белән әңгәмәбез – коллективның уңышлары хакында.
