Районда «Иң яхшы автобус йөртүчесе» ачыкланды

Бүген Сарманда «Иң яхшы автобус йөртүчесе» дип исемләнгән мәктәп автобуслары йөртүчеләренең һөнәри осталык район бәйгесе үткәрелде. Ул районда беренче тапкыр оештырылды.

Бәйгедә катнашучыларны «Юл хәрәкәте иминлеге» дәүләт учреждениесенең район филиалы начальнигы Алсу Ситдыйкова, «Хуҗалык тәэминаты» оешмасы директоры Рамил Ризатдинов, автомәктәп хезмәткәрләре, ЮХИДИ бүлекчәсенең административ практика инспекторы Марат Габдуллин, Гомумроссия мәгарифе һөнәри берлегенең Сарман территориаль оешмасы рәисе Илдар Һадиев сәламләделәр, уңышлар теләделәр. Катнашучылар көчләрен ике этапта сынап карадылар. Беренче этап район үзәгендә урнашкан автомәктәптә үтте. Ул «Юл хәрәкәте кагыйдәләре белгечләре» дип аталды. Аның кысаларында автобус йөртүчеләр компьютерларда теоретик белемнәрен тикшерделәр. Икенче этап автомәктәпнең практика үтә торган мәйданчыгында узды. «Классик тиз маневрлар ясау» дип исемләнгән этапта автобус йөртүчеләр бирелгән маршрут буенча йөрделәр.
Ике этап балларын кушкач, җиңүчеләр һәм призерлар ачыкланды. Барлыгы биш урын бирелде. Җиңүче булып Ләззәт Мәүләвиев (Сарман зонасы) танылды. Икенче урынны Зур Нөркәй зонасыннан Илһам Хуҗин яулады. Өченче урында – Җәлил зонасыннан Шамил Зиятдинов. Аның хезмәттәше Наил Биккулов дүртенче урында урнашса, Иске Кәшер зонасыннан Ленар Газизов бишенче булды. Җиңүчеләр һәм призерларга Кубоклар, грамоталар һәм истәлекле бүләкләр тапшырылды. Шуны да әйтеп үтәргә кирәк: бер генә катнашучы да истәлекле бүләксез калмады.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов:
  • 28 июнь 2022 - 08:55
    Кәүҗияктә Раиф абыйның юбилеен бәйрәм иттеләр
  • 22 июнь 2022 - 15:39
    Хәтер көне балалар өчен дә кирәк
  • Район егетләрен армиягә озаттылар
  • Крестьян-фермер хуҗалыклары басулары бәя алды
  • Районда «Иң яхшы автобус йөртүчесе» ачыкланды
  • Сарманлылар Сары тауны гөрләттеләр
  • Сарман сәнгать мәктәбе укучылары тамашачыларны иҗат кичәсенә җыйдылар
  • Сарман кызлары Мөслимдә!
  • Сарман күген ап-ак күгәрченнәр иңләде
  • Күренекле мәгьрифәтче Морад Рәмзинең иҗатына багышланган халыкара форум
  • Җәлил укучылары рухи кыйммәтләрне барладылар
  • Космонавтика көне белән бәйле хатирәләрегез юкмы, дуслар?