Мөмкинлекләре чикләнгәннәр машинаны оста йөртәләр

Бүген – 27 ноябрь көнне Инвалидлар декадасы уңаеннан физик мөмкинлекләре чикләнгәннәр арасында автомобиль йөртү буенча ярышлар үткәрелде. Бәйгедә катнашучылар машина йөртү осталыкларын күрсәттеләр: “змейка”, эстакада аша үттеләр, машинаны “гараж”га куйдылар. I урынга – Илгиз Шәяхмәтов, II урынга – Петр Лукин, III урынга Рөстәм Сафин лаек булдылар. Аларны җиңүләре белән район Башкарма комитеты җитәкчесе Фәндәс Вәлиев, аның урынбасары Индира Сәхипова, район ветераннар советы рәисе Нәҗип Миңнеголов тәбрикләделәр, истәлекле бүләкләр тапшырдылар. Җиңүчеләр шулай ук ДОСААФның район советы, “Бердәм Россия” сәяси партиясенең җирле бүлекчәсе бүләкләренә дә ия булдылар.
Бу хактагы тулырак язманы газетабызның киләсе санында укый аласыз.
Зөлфия Шәрипова язмасы һәм фотолары.