"Җиңүчеләр сафын барлыйбыз" акциясенең чираттагы катнашучысы №38 - Хафизов Вагыйз

Хафизов Вагыйз Хафиз улы 1914 елның 20 октяберендә Сарман районы Мортыш Тамак авылында туа. 1932елда армия сафларына баса.Камчатка ярымутравының Петропавловск Камчатск шәhәрендә хезмәт итә. Армиядән соң эшкә шунда кала. Петропавловск шәhәре портында йөк ташучы була. Сугышны шунда каршылый. 1942 елның 2 июлендә Камчатка өлкәсенең Петропавловск шәhәре военкоматыннан фронтка китә. Көнчыгыш чиген япон гаскәрләреннән саклаучы Тын океан фронтына эләгә. 373нче Кызыл байрак полкына билгеләнә. Шушы полк составында Курил десант операциясендә катнаша. Бары тик 1946 елның 6нчы августында туган авылына әйләнеп кайта. Башта РТСта шофер булып, аннары колхозда тракторист булып эшли.Тормыш иптәше Мөзәянә белән өч ул үстерәләр. 1968 елның 17 августында вафат була.