"Җиңүчеләр сафын барлыйбыз" акциясенең чираттагы катнашучысы №37 - Низамов Нәҗип

"Җиңүчеләр сафын барлыйбыз"акциясендә бабам турында сөйлисем килә,- ди Шәрләрәмә балалар бакчасыннан Гыйләҗева Айсылу.Минем бабам -Низамов Нәҗип Низам улы.Бабам җиңүгә зур өлеш керткән кеше. Ул Бөек Ватан сугышы ветераны. Бабам 1943 нче елның 7 нче гыйнварендә армия сафларына алына. Сугышка киткәндә бабама 17 яшь була. Аны артиллерия училищесына укырга җибәрәләр. Мәскәү- Минск юлларын немецлардан азат итүдә катнаша. Җиңү көнен бабам Польшада каршылый.Сугыштан бары 1948 нче елда гына кайта.Туган җирләренә әйләнеп кайткач озак еллар буе снабженец булып эшли.Әбием белән алар 4 бала үстерәләр.