Гөлфия Гайфетдинова бүләк шикәрдән кайнатма кайнатырга җыена

Аграр көллияттә хезмәт куючы Гөлфия Гайфетдинова да һич кенә дә “шикәр комы отармын” дип уйламаган. 

– “Сарман”ны башта әниләр алдырды, соңыннан үзебез языла башладык. Ул безгә башта почта аша килә иде. Хәзер тагын бер уңайлы – альтернатив вариант барлыкка килде. Анысы икеләтә арзанлы да әле. Көллияткә китергән көнне үк алырга онытканда, гәҗитсез калган чакларым да булды. Хәзер ияләштем, көнендә үк алырга тырышам. Ә шикәр комы бик вакытлы булды! Чөнки кайнатмалар вакыты. Рәхмәт “тәмле” гәҗит өчен! - ди ул.