Фотобәйгебез җиңүчеләрен кунакка чакырабыз

Бәйгедә барысы 14 пар катнашты. Араларында яңа гына гаилә корганнар да, инде шактый тормыш тәҗрибәсе туплаган парлар да бар иде. Без барлык катнашучыларга да ихластан рәхмәтләребезне җиткерәбез, киләчәктә дә тигез мәхәббәт, парлы гомер, сәламәтлек телибез. Вәгъдә иткәнчә, җиңүчене без тавыш бирүчеләр саны буенча билгеләдек. Аларның санын һәркем күрә һәм күзәтеп бара алды. Нәтиҗәдә, тавыш бирү туктатылган 16.00 сәгатькә иң күп санны – 572 тавыш – Рангазар авылыннан Энҗе һәм Рәшит Төхбәтуллиннар җыйдылар. Без аларны җиңүләре белән тәбриклибез һәм иртәгә, 14 февраль – Гашыйклар көнендә, матбугат үзәгенә кунакка чакырабыз.