Безнекеләр “Алтын каләм” республика бәйгесенә бардылар

"Сарман: иң яңа хәбәрләр", 20 июль 2018 - 16:50

1357

Илексаз мәктәбенең 6 сыйныф укучысы Адилә Әһелтдинова (укытучысы – Гөләндәм Хәлиуллина) һәм Җәлил икенче санлы мәктәбенең 9 сыйныф укучысы Резедә Әлмиева "Алтын каләм" республика бәйгесендә катнашып кайттылар.

Конкурс теплоходта үтте. Су юлы буйлап йөреп, укучылар Свияжск, Алабуга, Болгар, Казан шәһәрләрендә сәяхәттә булдылар, төрле бәйгеләрдә көч сынаштылар, газеталар чыгардылар, каләмнәрен чарладылар, гомумән, ял да, иҗат та иттеләр. Афәрин, кызлар! Без сезгә алга таба да уңышлар телибез.