Камыр уңсын өчен нишләргә? (КИҢӘШЛӘР)

Пирог, күмәч камырына бәрәңге крахмалы кушыгыз. Ул, бердән, камырны күпертә, икенчедән, икенче көнгә дә ризык йомшак була.

Онны камыр басар алдыннан гына иләгез.

Пирог, коймак, ипи камырына манный ярмасы салыгыз (ярты литр сыеклыкка бер аш кашыгы тутырып манный). Ул да камырны күпертә һәм йомшак итә.

Камырга, сөттән кала, ярты стакан минераль су өстәгез. Ярты стакан суга бер чәй кашыгы тоз салып, аш серкәсе яки лимон кислотасы белән «яндырып» алыгыз.

Чүпрәле камыр әзерләгәндә, бөтен ингредиентлар да бүлмә температурасында булырга тиеш.

Суыткычтан гына алып эшләсәгез, камыр озак күперә. Сыеклыкны 30-35 градуска кадәр җылытыгыз. Ни өчен дигәндә, чүпрә гөмбәчекләре югарырак һәм түбәнрәк температурада үзенең активлыгын югалта.

Камыр баскан бүлмәдә үтәли җил булырга тиеш түгел.

Пирогларны, эчлеге артык кибеп китмәсен өчен, уртача утта пешерегез.
Камырга сыер маен утта эретеп салмагыз, йомшарганын гына кулланыгыз, чөнки эретелгән май камырның структурасын боза.

Камырга, эчлек салыр алдыннан, бераз гына крахмал сибегез.

Камырга йөзем кушар алдыннан, аны онда әвәләп алыгыз.

 

Чыганак: http://shahrikazan.ru/

Фото: https://pixabay.com/ru/

 

 

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов:
  • 6 ноябрь 2021 - 18:50
    Яхшыбай үзешчәннәре "Надежда" җырын ике телдә башкардылар
  • 3 ноябрь 2021 - 10:10
    “Дус яшик бергәләп”, - диләр сандугачлылар
  • Район поликлиникасында төзекләндерү эшләре ахырына якынлаша
  • Сарманлылар нефтьчеләрнең иҗтимагый советы эшендә катнаштылар
  • Сарманда ярминкә гөрли
  • Сарманлылар Гаилә көнен бәйрәм иттеләр
  • Сарман районы Урта Әләзән Сабан туенда Татарстанны тәкъдир итте
  • Ретро машиналар парады ветераннарны сугышчан яшьлекләренә алып кайтты
  • Бөек Җиңүгә багышланган парадны район халкы горурланып карады
  • Сарман халкы Бөек Җиңү бәйрәмен бердәм булып каршы алды
  • Сарманда “Нәүрүз” гөрләде
  • Әзһәр аганың яңа китабы тәкъдир ителде