Волейбол буенча район ярышлары төгәлләнде

16 октябрьдә районның оешма-предприятиеләре ир-ат командалары арасында волейбол ярышларына старт бирелгән иде. Узган шимбәдә финал уеннары узып, ярышларга йомгак ясалды. Җиңүчеләрне бүләкләү тантанасында район башлыгы Фәрит Хөснуллин катнашты. Айга якын барган чемпионат балалар һәм яшүсмерләр спорт мәктәбенең җиңүе белән тәмамланды. Икенче урынны район Советы һәм Башкарма комитеты җыелма командасы алды. Өченче урынга мәгариф бүлеге командасы лаек булды. Район хокук саклау органнарының җыелма командасы - прокуратура, район суды һәм суд приставлары хезмәткәрләре дүртенче булдылар. Призлы урыннар алган командаларга кубоклар һәм акчалата бүләк тапшырылды.

Материалны Альбина Сабирова әзерләде.