Шәрләрәмә егетләре кышкы спорт сезонын башлады

Шәрләрәмә авыл җирлегендә спортны аеруча яраталар. Яшьләр һәр ярышны үзләре башлап, оештырып йөриләр. Җирлектә универсаль спорт мәйданчыгы төзелүе алар өчен күптән көтеп алынган бүләк булды. Әле кар төшмәсә дә, инде тынгысыз спортчылар кәшәкә сугу сезонын башлап җибәргәннәр. Алар, үзләре инициатива күрсәтеп, командага бердәм майкалар тектергәннәр. Менә айга якын инде хоккейчылар Минзәлә районының боз сараена йөриләр, узган атнада бозда Тукай районы командасы белән очрашып, беренче җиңүләрен яулаганнар. Киләчәктә дә уңышлар юлдаш булсын үзләренә.

материал Альбина Сабированыкы, фотолар спортчылар архивыннан