Районда «Игътибар-балалар!» профилактик чарасы дәвам итә

. Аның төп максаты балалар катнашында һәлакәтләрне кисәтү. Чөнки тиздән яңа уку елы башлана, балалар җәйге ял вакытында юл йөрү кагыйдәләрен онытып җибәрергә дә мөмкин. Шуның өчен профилактик чара кысаларында балалар арасында күп төрле акцияләр үткәрелә. 28 августта Җәлил бистәсенең «Теремкәй» балалар бакчасы яшь инспекторлары «Куркынычсыз зебра» исеме астында акциягә чыктылар. Балалар кулларына плакатлар тотып бистәнең узәк урамына килделәр. Инспектор Сафин Рәмис ярдәмендә машиналарны туктатып йөртүчеләр белән сөйләштеләр, аларга хәерле юллар теләп информацион буклетлар тапшырдылар. Акция бик кызыклы үтте. Үтеп баручы җәяүлеләр дә аларның ни эшләп йөрүләре белән кызыксындылар, балалар аларга үзләренең теләкләрен әйттеләр.

Район ЮХИДИ бүлекчәсе