Якынлашып килүче Яна 2014 ел белән!

Атлар булып вакыт чаба гына!
Кем белән икән ул ярыша?
Тотып тыеп булмас акбузаттай,
Бер-бер артлы еллар чабыша.

Зәңгәр ат елы килә, диләр бит.
Дулап үтәр инде бу ел да.
Алып килсен инде көткәннәрне,
Эләктереп алтын ялында.

Кыңгыраулар тагып, атлар чаба.
Вакыт әллә шулай чыңлыймы?
Парлы атта очып үтә вакыт.
Күңелләрне шуңа моңлыймы?

Ат ел, диләр бит. Тапамасын
Җитез тояклары астында.
Килә күрсен көткән бу Яңа ел
Ак канатлы бәхет атында.