Районда халык җыены узачак.

«Бердәм Россия» партиясенең Татарстан төбәк бүлегенең сайлау штабы җитәкчесе Юрий Камалтынов партия Халык җыены дип аталган яңа проект буенча эшли башлавы турында бәян итте.
- Үзәк сайлау комиссиясеннән таныклык алдык, хәзер сайлау алды кампаниясе башларга тулы хокукыбыз бар. Халык белән очрашулар башлыйбыз, районнарга һәм авылларга чыгачакбыз. Халык җыеннарында урыннарга барып, шундагы проблемаларны, аларны борчыган мәсьәләләрне күтәрәчәкбез. Әлеге проект кысаларында депутатлыкка кандидатлар, шул исәптән бер мандатлылар да сайлаучылар белән очраша, киләсе бишьеллыкта конкрет территорияләрне үстерү өчен нинди эшләр башкарырга кирәклеге турында фикерләшә. Очрашулар район үзәкләреннән башлана..
Быелгы сайлау кампаниясендә «Бердәм Россия» шәһәр һәм авыл үсеше, тормыш дәрәҗәсен яхшырту мәсьәләләренә тагын да зуррак игътибар бирәчәк.
- Президентыбыз Рөстәм Миңнеханов һәрвакыт әйтеп килгәнчә, Татарстан халкы шунда яшәргә теләгән һәм беркая да китәргә уйламаган, инвестицияләр җәлеп итүче, ышанычлы адымнар белән алга баручы республика булуы мөһим. Без шул юнәлештә эшлибез, - диде «Бердәм Россия» партиясенең Татарстан төбәк бүлеге секретаре урынбасары Римма Ратникова.