Көн темасы, 7 июль.

Татарстанда муниципаль берәмлекләр һәм шәһәр округларының халык социаль проектлары республика конкурсы дәвам итә. Бүләк фондының гомуми күләме - 35 миллион сум. Һәр район бу бәйгегә үз проектларын тәкъдим итеп, аларны тормышка ашыруга грант ота ала.

Татарстан Дәүләт Советы рәисе урынбасары Римма Ратникова сүзләренчә, мондый конкурсны уздыру идеясе республикада "Бердәм Россия" көннәрен уздырганнан соң барлыкка килгән. Ул вакытта татарстанлылар партия вәкилләренә кызыклы идеяләр белән мөрәҗәгать иткән булган.Бәйге 3 этапта уздырыла. 2 июльгә кадәр башлангыч сайлап алу туры булган - һәр район иң яхшы дип тапкан ике проектны билгеләгән. Беренче этап 7-10 июль көннәрендә узачак. Бу көннәрдә өч мәйданда - Казанда, Алабугада һәр берәмлек үз проектларын тәкъдим итә.Конкурсның финал этабы исә 15 июльдә була. Финал сайлаулары нәтиҗәсендә 10 җиңүче һәм 43 лауреат билгеләнергә тиеш. Җиңүчеләр 1 миллион сумга кадәр, ә лауреатлар 580 мең сумга кадәр грантка лаек булачак. Шуны да билгеләп үтәргә кирәк: проектны тормышка ашыруга таләп ителә торган сумманың 60 проценты грант акчалары булса, 40 процентын муниципаль район яки шәһәр округы үз хисабына капларга тиеш. Грант алган проектлар быелның 1 октябренә кадәр тормышка ашырылырга тиеш.