Көн темасы, 26 август.

Район Советында чираттагы дүшәмбе киңәшмәсе узды. Көн тәртибендә каралган сорауларның иң әһәмиятлесе ягулык чорына әзерлек булды. Җәлил җылылык челтәре оешмасы җитәкчесе Альберт Әхмәтгалиев, "Җылылык челтәре" җәмгыяте директоры Раил Габдрахманов чыгыш ясадылар, кышкы ягулык сезонына әзерлек торышы, башкарылган эшләр хакында сөйләделәр. Әлеге мәсьәлә буенча һәр өлкәдәге бүлек җитәкчеләренең дә фикерләре тыңланды. Киңәшмәне алып барган муниципаль район башлыгы Нәфис Закиров бу мәсьәләнең әһәмиятлелеген ассызыклап, кичекмәстән әзерлек эшләрен төгәлләргә кушты.