Хәбәрләр 18 сентябрь

Инде мәгълүм булганча, Республиканың 100 якын яшь фермеры Авыл хуҗалыгы һәм азык-төлек министрлыгы оештырган конкурста җиңү яулады. Алар бер миллион ярым сумга кадәр грантка ия булды. "Яшь фермер" программасында катнашу өчен 160 фермердан гариза кабул ителгән иде. Җиңүчеләр арасында безнең Сарман районы фермерлары да бар. Аерым алганда, Буралы-Чишмәдән-Р.Фәрхетдинов, Сарманнан- Р.Минннәхмәтов һәм А. Нуриев, Кәшербаш авылыннан - А. Бикмиева һәм Азалактан-И.Рахматуллин.

Ришвәтчелек, коррупциягә каршы көрәш максатларында, "кайнар линия" телефоннары эшли: 2-49-02; 2-47-30; 2-40-31; 2-42-33

15 сентябрьдә Яр Чаллы шәһәрендә ярминкә башланып китте. Авыл хуҗалыгы предприятияләре, эшмәкәрләр, шәхси хуҗалыклар катнашындагы ярминкә шәһәрнең Г.Камал исемендәге бульварында уза. Ярминкәләр 29 сентябрьдә, 13 һәм 27 октябрьләрдә,10 һәм 24 ноябрь көннәрендә дә булачак. Мөрәҗәгать итү өчен телефоннар: 2-53-38; 2-53-37; 2-47-55.

2013 елның беренче яртыеллыгы өчен газета-журналларга язылу дәвам итә. Район газетасына да язылырга мөмкин, аның бәясе үзгәрмәде.