хэбэрлэр 2 июль

ХӘБӘРЛӘР: 2 июль

2 июльдә муниципаль район Советында чираттагы киңәшмә булып узды. Аны район башлыгы Н.Закиров алып барды. 1 июльдән түрәләргә гражданнардан үзләре мөстәкыйль рәвештә башка ведомстволардан сорый алган белешмәләрне таләп итү тыела. Яңалык 210 нчы Федераль законны гамәлгә ашыру белән бәйле.Киңәшмәдә сүз әнә шул хакта барды.

Район Башкарма комитетының территориаль үсеш буенча бүлек начальнигы Марат Яхинның , Башкарма комитетның инфраструктур үсеш бүлеге начальнигы Ф.Әхмәтшин, Милек һәм җир мөнәсәбәтләре палатасы рәисе Гүзәл Гәрәева ,архив бүлеге начальнигы Гөлшат Солтангалиева чыгышлары шул темага багышланды.

Быел Ураза бәйрәме 19 августка туры килә. ТР Президенты Р.Миңнеханов шул хактагы Указны имзалады. Рамазан ае исә быел 20 июльдә башлана. Фитыр сәдакасы быел 50-300 сум күләмендә дип билгеләнгән. 130 мең сум байлыгы булганнарга исә зәкят бирү тиешле. Аның күләме әлеге малның кырыктан бер өлеше белән исәпләнә. Корбан гаете 25 октябрьгә туры килә.