Зөбәрҗәт апа котлаулар кабул итә

"Сарман: иң яңа хәбәрләр", 27 май 2021 - 14:41

1242

Бүген – 27 май көнне Иске Кәшер авылында яшәүче тыл һәм хезмәт ветераны Хәлилова Зөбәрҗәт Салих кызына 90 яшь тулды.

Зөбәрҗәт апаны гомер бәйрәме белән район башлыгы урынбасары Гүзәл Гәрәева тәбрикләде, Россия Федерациясе Президенты Владимир Путинның Котлау хатын, район башлыгы исеменнән истәлекле бүләк тапшырды. Ветеранны юбилее белән шулай ук Иске Кәшер авыл җирлеге башлыгы Раян Дәүләтҗанов, җирлек ветераннар советы рәисе Зина Якупова тәбрикләделәр, иң изге теләкләрен җиткерделәр.
Зөбәрҗәт апа турындагы тулырак язманы газетабызның киләсе саннарының берсендә укый аласыз.
Зөлфия Шәрипова язмасы һәм фотолары