Йолдызнамә (6-13 июль)

Кучкар (21 март - 20 апрель)   
Кредит мәсьәләләрен хәл итү өчен уңай чор. Үзегезне  башкалардан өстенрәк кую гадәтегезне ташлагыз – уңайсыз хәлгә калуыгыз бар. Саллы гына акча керәчәк.

Үгезбозау   (21 апрель - 20 май)
Борчылмагыз әле! Сездә бит әллә нинди зур проблемаларны да үз файдагызга борып җибәрә ала торган көч бар. Сездәге ихтыяр көче максатыгызга ирешүдә ярдәм итми калмас. 

Игезәкләр (21 май - 21 июнь) 
Бушлай сыр капкында гына! Шуны исегездән чыгармагыз. Теләсә нинди тәкъдимнәргә ризалашканчы, җиде кат уйлагыз. Күңелле хәбәр килеп ирешер. 

Кысла (22 июнь - 22 июль) 
Бу атна эш тә дә, шәхси тормышыгызда уңышлар белән куандырыр. Тик уңышлардан башыгыз әйләнмәсен, акчагызны кирәкмәгәнгә туздырмагыз. 

Арыслан  (23 июль - 23 август) 
Сездән кыюлык, тәвәккәллек таләп ителә. Тотынырга куркып торган мәсьәләләрне шул рәвешле генә хәл итә алырсыз. Хисләргә бирелеп утыра торган чор түгел.

Кыз  (24 август - 23 сентябрь)
Күптәнге хыялыгызны тормышка ашыруга киртә булган бер яңалык ишетүегез бар. Ләкин сезне ул гына туктата алмый. Шәхси тормышыгызда күңелле вакыйга көтелә. 

Үлчәү  (24 сентябрь - 23 октябрь) 
Хисләребез суынды, нишләргә, дип шыңшыганчы, гаиләдәге мөнәсәбәтләрне яхшырту турында уйланыгыз. Мөмкин булса, гаиләгезне алып сәяхәткә чыгыгыз, шунда дуслашырсыз. 

Чаян  (24 октябрь - 22 ноябрь) 
Эш урыныгызны алыштытыру ихтималы зур. Сезгә  яңа вазифа тәкъдим итәргә мөмкиннәр. Ризалашыгыз, бу эш сезнең тормышыгызга уңай үзгәрешләр алып киләчәк. 

Укчы  (23 ноябрь - 21 декабрь) 
Уйламыйча әйтелгән сүз аркасында тавыш чыгарга мөмкин. Яңа эшкә тотынырга ашыкмагыз. Ахырына җиткерелмәгән эшләрегезне ахырына җиткерегез. 

Кәҗәмөгез  (22 декабрь - 20 январь) 
Ахыры нәрсә белән тәмамланасын белмәгән эшләргә тотынмагыз, очраклы танышларның сүзенә ышанмагыз. Планнарыгызны үзгәртергә курыкмагыз. 

Сукояр  (21 январь - 18 февраль) 
Гаиләдә үзара мөнәсәбәтләрне ныгыту, бергәләп ял итү өчен кулай вакыт. Артыгын ачылып китмәскә тырышыгыз, әйткән сүзегезне ахырдан җыеп ала алмавыгыз бар. 

Балык  (19 февраль - 20 март) 
Ашыгу, кабаланудан туктагыз инде! Җәйгә куйган планнарыгызны кабаланмасагыз да, тормышка ашырасыз бит. Дусларыгыз сәфәргә дәшәргә ихтимал. Уйламаган җирдән акча керер.

Чыганак