Якуповлар әкият илендә яшиләр

Чураш авылында гомер итүче Фаиз һәм Әлфинур Якуповлар һәр елны Яңа елга йортларын бизиләр.
- Менә биш елдан артык шундый матур традиция саклана Якуповларда. Авылыбызның үрнәк гаиләләренең берсе, 4 бала тәрбияләп үстерделәр, лаеклы хезмәт юлы үттеләр, эшли дә белделәр, яши дә беләләр, - ди Карашай Саклау җирлеге башлыгы Вероника Хөсниева.
Гаилә башлыгы Фаиз абый озак еллар төзелеш мастеры булып хезмәт куйган, ә Әлфинур апа авыл халкына почта хезмәте күрсәткән, аннан шактый еллар ашханәдә пешекче, склад мөдире булган. Бүгенге көндә дә эшсез утырырга яратмыйлар алар. Матур шөгыльләр табып, башкаларны да, үзләрен дә сөендерәләр.