Үзәк Ял паркында бәйрәм гөрләде

"Сарман: иң яңа хәбәрләр", 9 май 2023 - 19:50

835

Район үзәгендә кичен дә бәйрәм тантаналары гөрләде.

Кичен үзәк Ял паркына чыгучыларны Бөек Җиңү бәйрәме белән район Башкарма комитеты җитәкчесе Фәндәс Вәлиев тәбрикләде.

- Сугыш бар гаиләләргә дә кайгы алып килде. Безнең район җирлегендә аның җиле кагылмаган бер генә гаилә дә юк. Шуңа күрә үзебезнең әби-бабаларыбызны истә тоту, алар турындагы истәлекләрне килер буыннарга җиткерү – безнең изге бурычыбыз, - диде ул.

Соңыннан сәхнәгә бер-бер артлы районыбызның сәнгать осталары күтәрелделәр, матур җырлары, биюләре белән халыкны ял иттерделәр. Парк мәйданчыгында шулай ук сәүдә нокталары, балалар өчен уен мәйданчыклары эшләде.