Укытучылар көнендә укучылар укытучыларын югалттылар

Кәүҗияк авылында яшәгән, гомерен яшь буынга физик тәрбия бирүгә һәм патриотик хис тәрбияләүгә багышлаган хөрмәтле мөгаллим Даутов Әзһәр Мазһар улы бүген мәңгелеккә күзләрен йомды. Авыруы белән көрәшү җиңелләрдән булмаса да, ул гомеренең ахырына кадәр төшенкелеккә бирелмәде, көчле булды. Ничәмә дистә буында спорт һәм физкультурага мәхәббәт тәрбияләгән, спортчылар үстергән педагогны иртәгә соңгы юлга озаталар. Тормыш иптәше - укытучы булып хезмәт куючы Роза Мөгайяр  кызының, балалары, якыннарының тирән кайгыларын уртаклашабыз һәм сабырлык телибез.