Үткән ялларда 4 исерек тоткарланды

 Район юлларында исерекләр кимеми. 12 июнь көнне Сарман авылында яшәүче һәм “Лада-Гранта” машинасы белән идарә итүче Г. исерек килеш тоткарлана. 13 июнь исерекләргә тагы да бай булып чыга. Бу көнне юл хәрәкәте инспекторлары алкогольле эчемлекләр кулланган 3 кешене тоткарлыйлар. Аларның берсе район авылларының берсендә яши һәм “Деу-Нексия” белән идарә итә, икенчесе – Минзәлә, өченчесе – Чаллы шәһәреннән һәм икесе дә “ВАЗ” маркалы машина руле артында булалар. 14 июнь көнне район авылларының берсендә яшәүче һәм “ВАЗ” белән идарә итүче тагын бер исерек тоткарлана. Бу көннәрдә исерек хәлдә руль артына утыручыларның барысы да – ир-атлар. 
 Зөлфия Шәрипова язмасы