Сарманда спорт ярышлары үтте

Узган атнада Сарманның беренче санлы балалар һәм яшүсмерләр спорт мәктәбендә милли татар-башкорт көрәше буенча ярышлар үтте. Гомумкоманда зачетында Сарман гимназиясе командасы җиңүче булып танылды. Икенче урынны икенче санлы Җәлил урта мәктәбе командасы алды, Петровка Завод урта мәктәбе командасы өченче булды. Шулай ук Сарманда "Старт" чаңгы базасында "Милләтләр кроссы-2014" Бөтенроссия йөгерү көне кысаларында кросс ярышлары үтте. Сарман урта мәктәбе командасы беренче урынны яулады. Икенче санлы Җәлил урта мәктәбе командасы икенче булды, Җәлил гимназиясе командасы өченче булды.