Сарманда ана капиталы сертификатын тапшыру тантанасы узды

Бүген, 10 сентябрь көнне, район мәдәният йортында урнашкан гражданлык хәле актларын теркәү бүлегендә икенче балаларын алып кайткан әниләргә ана капиталы сертификатын тапшыру тантанасы булды. Яшь гаиләләр - Ләйсән һәм Айрат Заһриевлар, Индира һәм Руслан Сәлимҗановлар, Гөлназ һәм Ильмир Гайнуллиннар, Айсылу һәм Ришат Җиһангировлар, Ләйсән һәм Рамил Хәкимовларны район Советы аппараты җитәкчесе Фәндәс Вәлиев, район Пенсия фонды идарәсе начальнигы Асыляр Харисов, шулай ук загс бүлеге җитәкчесе Гөлчәчәк Вәлишина, Яр Чаллы шәһәреннән "Автоградбанк" вәкиле Алия Мостафина тәбрикләделәр.