Сарман волейболчы хатын-кызлары Минзәләдә дүртенче булдылар

24-27 апрель көннәрендә Минзәлә шәһәрендә XI "Сәламәтлек" авыл Спартакиадасы кысаларында аыл районнары хатын-кызлары командалары арасында волейбол буенча Татарстан Республикасы Чемпионаты ярышлары үтте. Сарман районы командасы үз төркемендә Мамадыш, Алексеевск, Әлмәт, Арча районнары командалары белән уйнады һәм икенче урынны алды. Ярымфиналда безнең якташлар Минзәлә районы командасына оттырдылар, өченче урын өчен уенда Мамадыш районы командасы белән очраштылар. Анда алар шулай ук оттырдылар һәм дүртенче урынны алдылар. Беренче өчлек: Минзәлә, Буа, Мамадыш.