Сарман урта мәктәбе укучысы чикләнгән мөмкинлекләре булган балалар иҗаты күргәзмәсендә җиңде

Бу елны Яр Чаллы шәһәрендә II Республика чикләнгән мөмкинлекләре булган балаларның декоратив-кулланма иҗатыннан күргәзмәсе үтте. Ул "Время колокольчиков" дип аталды.

Конкурста 4 яшьтән алып 22 яшькә кадәр булган укучылар һәм тәрбияләнүчеләр катнаштылар. Ул Татарстан Республикасы Шәһәр балалар һәм яшьләр иҗатысараеның Балалар шәфкать ордены тарафыннан уздырылды. Сарман урта мәктәбеннән сигезенче сыйныф укучысы Илназ Латыйпов (җитәкчесе - Ландыш Латыйпова) һәм алтынчы сыйныф укучысы Айзат Ризатдинов (җитәкчесе - Алмаз Таепов) катнаштылар. Конкурста Айзат беренче урынны алды һәм беренче дәрәҗәле диплом белән бүләкләнде.