"Сарман" кинотеатры өметсез түгел

"Татмедиа" сайтында "В Татарстане "умирают" сельские кинотеатры" дип исемләнгән мәкалә чыкты. Анда авыл халкы кинотеатр алып кайткан фильм белән генә канәгать булырга мәҗбүр дигән сүз алып барыла. Мәкаләдә "Сарман" кинотеатрын да билгеләп үттеләр. Ул яхшы исәптә.

"Республиканың 200 авылында стационар кинокорылмалар ярдәмендә фильмнар карап була. Шулай ук 27 күчмә кинокорылмалар бар. Бу шундый күчмә экран, проектор тибында машина. Сарман районында, мәсәлән, алар икәү. Әлбәттә, бу искергән метод, тик гел булмаганга караганда яхшырак инде", - ди "Татаркино" җитәкчесе урынбасары Рәис Садриев.

Сарман районыннан кала, мондый җайланмалар Балтач, Әгерҗе, Тәтеш, Лениногорск, Азнакай һәм Яшел Үзән районнарында кулланыла.

Тулысынча мәкаләне монда укый аласыз.