Сарман егете Артур Гәрәев Баулыда да сынатмый 

Аның һәвәскәр спортчы – картингчы икәнен күпләр хәтерлидер. Мәктәптә укыган вакытта ук күңеленә кереп калган шөгылен ул бүгенге көндә дә ташламый. 17 ел инде ул яраткан спорты белән “җенләнә”. Даими рәвештә төрле дәрәҗә ярышларда катнашып, призлы урыннар яулый. Татарстанның Көньяк-көнчыгышы Кышкы кубогының алты этабы нәтиҗәләре буенча “Национальный” классында Артур өченче урынга лаек булган. Якташ егетебезне зур җиңүе белән тәбриклибез һәм киләчәктә дә уңышлар телибез.