Сарман аграр көллияте территориясендә спорт мәйданчыгы төзелә

Районда халыкны спорт белән шөгыльләнүгә һәм сәламәт яшәү рәвеше алып баруга өндәү дәвам итә. Менә аграр көллият территориясендә тагын бер спорт мәйданчыгы төзелә. Хәзерге вакытта мәйданчык булачак урын уратып алынган, бетон идән җәелгән. Паркет җәю, волейбол челтәре сузу, баскетбол боҗралары урнаштыру кебек эшләр башкарасы бар. Аңлаганыгызча, мәйданчык волейбол һәм баскетбол уеннары өчен яраклаштырылган булачак. Анда физкультура дәресләре дә, спорт ярышлары да үткәрелер дип көтелә.

Сүз уңаеннан

Көллият территориясендә матур гына ял итү урыны да булдырылды.