Республика олимпиадасы җиңүчесе кыйммәтле бүләккә ия булды

"Сарман: иң яңа хәбәрләр", 21 июнь 2021 - 17:55

1533

Бүген Сарман гимназиясендә зур бәйрәм – Сарман гимназиясенең Татарстан тарихы фәне буенча республика олимпиадасы җиңүчесен бүләкләү тантанасы булды.

Нефтьчеләрнең “Сәләтле балалар” хәйрия фонды советы әгъзасы Зәкия Яһудина җиңүчегә - 9 нчы сыйныф укучысы Регина Сафинага акчалата бүләкләр тапшырды.
- Быелгы уку елында Регинадан тыш тагын ике укучым фән олимпиадаларының республика турында призерлар булдылар. Әлбәттә, җиңүчеләр тәрбияләү җиңел түгел - вакыт белән исәпләшмичә, үз-үзеңне аямыйча эшләргә кирәк, - ди Регинаның укытучысы Кифая Заһирова.
Бу хакта тулырак язманы газетабызның киләсе санында укый аласыз.
Зөлфия Шәрипова язмасы һәм фотолары