Райондашлар,сак булыгыз! Геморрагик бизгәк - куркыныч чир

Бүген 162 кеше дәваханәдә ята. Ә бер авыру вафат булган.
Геморрагик бизгәк таралу сәбәпле, балалар лагерьларында смена ябылган.
Биредә шуны әйтик: геморрагик бизгәкне таратучылар - җирән кыр тычканнары. Бу чир яхшылап юылмаган куллар аша гына түгел, тузан-туфрак белән сулыш алу юлларыннан да эләгергә мөмкин. Шуңа күрә кыр-болыннарга печән чабарга чыкканда да, урманга ял итәргә барганда да гигиена таләпләрен җентекле үтәү кирәк.
Иммунитеты көчсезләнгән кешеләр өчен бу чир аеруча куркыныч. Бәла аяк астында, ди халык. Үзебезне һәм якыннарыбызны саклыйк, дуслар!

Фото: pixabay.com

https://kiziltan.rbsmi.ru