Райондашларга кунакка баргач, мәҗлесләрдә күп ашап ташламас өчен "Биш кашык законы"н тәкъдим итәбез

Дөрес туклануга багышланган татарча инстаблог авторы Айгөл күп ашаудан тыелу ысулын өйрәтә. Ул аны "Биш кашык законы" дип атаган.

"Ашкайнату системасына авырлык килмәсен өчен, мул табын артында үзеңне дөрес тоту кагыйдәләрен искә төшереп китү урынлы булыр. 

1. Ашар алдыннан 1-2 стакан бүлмә температурасындагы су эчеп куегыз, якынча ярты сәгатьтән соң гына ашарга керешегез.

2. Күбрәк яшелчә, яшеллек, җиләк-җимешкә өстенлек бирегез.

3. Ә инде майонезлы салат, кыздырган ризыклар, бутербродлар, десерт h.б. авыз итеп карыйсыгыз килсә, 5 кашык законына таяныгыз. Күзегез төшкән 5 ризыкны берәр кашыклап тәлинкәгезгә салып куегыз. Бу метод сезне артыгын ашаудан коткарыр, порциягезне чамаларга да мөмкинлек бирер", - дип киңәш итә Айгөл.

ФОТО ҺӘМ ЧЫГАНАК: https://intertat.tatar/sozial-chelter-joldyzlari/ayg-l-k-p-ashamaska-yr-t/