Районда көзге чакырылышка старт бирелде

"Сарман: иң яңа хәбәрләр", 1 октябрь 2019 - 14:39

1132

Бүген Татарстанда, шул исәптән районда да, хәрби хезмәткә чакыру кампаниясе старт алды.

Гражданнарны армиягә алу 31 декабрьгә кадәр дәвам итәчәк.
Бүген хәрби комиссариатта районның хәрби хезмәткә чакыру комиссиясенең беренче утырышы уздырылды. Аны комиссия рәисе – район Башкарма комитеты җитәкчесе Әлфис Мөхәммәтгәрәев алып барды. Комиссия каршына биш егет басты.
- Сарман һәм Мөслим районнары буенча хәрби комиссариат бүлекчәсенә 50 гражданны көзге чакырылыш вакытында армия хезмәтенә җибәрү планы куелган, - ди хәрби хезмәткә чакырылыш бүлекчәсе начальнигы Ленар Һадиуллин.