Районда алдан тавыш бирү башланды

"Сарман: иң яңа хәбәрләр", 26 июнь 2020 - 10:32

821

Төп тавыш бирү көне - 1 июль.

Республикада, шул исәптән районда да, кичә Россия Конституциясенә төзәтмәләр кертү буенча гомүмрәсәй тавыш бирү башланып китте. Төп тавыш бирү көне 1 июльдә булса да, иминлекне тәэмин итү максатыннан, сайлау участокларында халыкны алдан кабул итә башладылар. Башка сайлаулардагы кебек, үк бу юлы да 18 яшен тутырган, Россия гражданины булган һәркем үз фикерен белдерә ала. Тавыш бирүдә барлык санитар таләпләр дә үтәлә.
Район башлыгы урынбасары Гүзәл Гәрәева, район Башкарма комитеты җитәкчесе урынбасары Индира Сәхипова, үз участокларына барып, Конституциягә үзгәреш кертүне хуплап, тавыш бирделәр.