Районда 50 кеше экспресс-тест үтте

Кичә районда 15 май - Халыкара СПИД корбаннарын искә алу көне уңаеннан СПИД үзәгенең Әлмәт филиалы белгечләре булдылар һәм район үзәк хастаханәсе табиблары белән берлектә теләгән кешеләргә ВИЧ-инфекциягә экспресс-тест үткәрделәр. Алар мөрәҗәгать итүчеләргә шулай ук авыру, аннан саклану, аны кисәтү ысуллары турында да аңлаттылар. Район үзәк хастаханәсеннән хәбәр итүләренчә, экспресс-тестны 50 кеше үткән.