Районда 43 тавыш бирү участогы эшләрен башлады

"Сарман: иң яңа хәбәрләр", 25 июнь 2020 - 12:56

743

Сайлау процедурасы барлык саклану чараларын күздә тотып башкарыла.

Бүген, 25 июнь көнне, районда 43 тавыш бирү участогы үз эшләрен башлап җибәрделәр. Алар көн саен 08.00 дән 20.00 сәгатькә кадәр эшлиләр. Иртәнге алтыдан ветеринария хезмәткәрләре участокларда дезинфекция чаралары уздыралар, һәм көн дәвамында ул кабатлана. Сайлау процедурасы да барлык саклану чараларын күздә тотып башкарыла. Участокларда санитар зоналар ясалды. Участокка килә алмаучы сайлаучыларны өйләренә барып сайлату мөмкинлеге бар.