Район Советы аппараты җитәкчесе билгеләнде

Агымдагы елның 13 ноябреннән әлеге вазифаны Исмәгыйлева Юлия Равил кызы башкара.
Хезмәт юлын ул Петровка ликер заводында кадрлар бүлеге инспекторы булып башлый. Аннан дүрт ел Сарман гимназиясендә рус теле һәм әдәбияты фәннәреннән укыта. 2004 елдан - районда Үзәк сайлау комиссиясе мәгълүмати тәэмин итү системасы Идарәсе белгече, 2012 елдан район Советының оештыру эшләре бүлеге начальнигы урынбасары булып эшли. 2016 елда Юлия Равил кызын район Башкарма комитеты эшләре буенча Идарәче итеп билгелиләр.
Ике югары белемле. 1999 елда Яр Чаллы дәүләт педагогия институтының филология бүлеген тәмамлый, 2008 елда Социаль һәм гуманитар белем институтында юриспруденция бакалавры белгечлеге ала.

Альбина Сабирова