Район халкы үз сәламәтлеген кайгыртырга тиеш

Безнең илдә ир-атларның уртача гомер озынлыгы 60,4 яшь тәшкил итә. Бу - дөньяда 136нчы урын. Хатын-кызлар 73,8 яшь белән - 91нче урында. Гомер озынлыгы - илдә сәламәтлек дәрәҗәсен билгели торган күрсәткечләрнең берсе. Шунысы аяныч, күп кенә авырулар "яшәрә" бара. Әйтик, йөрәк-кан тамырлары авырулары хәзер 18-20 яшьлекләр арасында да күп күзәтелә. Кешенең сәламәтлеге 70 процент үзеннән тора, 20 процентына нәселдәнлек, экология, сәламәтлек оешмалары эшчәнлеге тәэсир итә, 10 процентына - климат үзгәрешләре.