Район Эчке эшләр министрлыгы бүлеге ветераннары истәлегенә Коръән укытылды

Күптән түгел Сарман районы буенча Россиянең Эчке эшләр министрлыгы бүлегенең ветераннар советы рәисе – отставкадагы милиция подполковнигы Хәлит Гарифуллин, бүлек пенсионерлары белән берлектә, Коръән укытты. Ул бүлекнең төрле елларда вафат булган ветераннары истәлегенә укытылды һәм «Исәннәрнең кадерен бел, үлгәннәрнең каберен бел!» дип аталды. Коръән Каташ-Каран авылы мәчетендә укылды. Хәзрәт Илшат Дәүләтхуҗин Коръәннән сүрәләр укып китте.

Ильназ Сираев