Район белем бирү учреждениеләре «Наркотикларсыз тормыш» айлыгына кушылдылар

"Сарман: иң яңа хәбәрләр", 16 июнь 2022 - 14:55

2178

Район белем бирү учреждениеләрендә 1 июньнән 27 июньгә кадәр «Наркотикларсыз тормыш» айлыгы уза.

Ул Халыкара наркотик матдәләрне куллануга һәм аларның законсыз әйләнешенә каршы көрәш көненә багышлана.
Шул уңайдан «Без спорт яратабыз», «Без наркотикларга каршы» дип исемләнгән рәсем конкурслары, класс сәгатьләре, спорт ярышлары һәм башка чаралар уза. Укучылар сәламәт тормыш рәвешен пропагандалаучы видеороликлар карыйлар. «Мөстәкыйль балалар» отрядлары флешмоблар үткәрәләр.

Сүз уңаеннан
Гражданнар наркотикларның законсыз әйләнеше белән бәйле хокукка каршы эшчәнлек фактлары турында «02», 7-84-21 номеры буенча «Ышаныч телефоны» телефоннарына хәбәр итә алалар.