Начар гадәтләрдән көчлерәк булыйк!

Начар гадәтләр көннән-көн күбәя бара. Элегрәк аракы эчү, тәмәке тарту начар гадәт булып саналса, бүген инде алар янына яңалары өстәлде: наркотиклар куллану, токсикомания, компьютерга, телефонга, комарлы уеннарга бәйлелек һәм башкалар.

Кеше бу гадәтләргә акрынлап күнегә һәм инде алардан арына алмый. Алардан баш тартуы авыр. Кеше үзе генә бу сазлыктан чыга алмый, шуңа күрә аңа табибларга, психологларга мөрәҗәгать итәргә туры килә. Бу – төрле начар матдәләрнең организмга эләгеп, матдәләр алмашының аерылгысыз өлешенә әйләнүләре нәтиҗәсе. Организм үзе үк сәламәтлек өчен зыянлы матдәләрне таләп итә башлый.

Начар гадәтләрдән арына белергә өйрәтү, алкоголизм, наркомания, тәмәке тарту кебек начар гадәтләргә каршы караш формалаштырыр өчен, аларның зыяны турында мәгьлүмәт бирелде, гыйбрәтле вакыйгалар турында сөйләнде.