Муса Җәлилнең кызы Чулпан Җәлилева Сарман районына килде

Кичә Җәлил бистәсендә герой-шагыйрь Муса Җәлил һәм аның көрәштәшләрен искә алдылар. Чара 18.00 сәгатьтә Мәдәният сараенда үтте.

Әлеге чарага быел беренче мәртәбә Муса Җәлилнең кызы Чулпан да кайтты. Районга шулай ук аның кызы Татьяна Малышева, Муса Җәлилнең оныкчыклары Михаил Митрофанов-Җәлил һәм Елизавета Малышева да килделәр.

Бүген Җәлилнефть" оешмасының административ бинасы янында шагыйрь һәйкәле тирәсендә Муса Җәлил һәм аның көрәштәшләрен искә алуга багышланган митинг узачак. Ул 10:45 сәгатьтә оештырылачак. Митингта татар җырлары, Муса Җәлил шигырьләренә язылган көйләр, шагыйрьнең үзенә багышланган әсәрләр яңгыраячак.