Морбашта мәдәният йорты һәм фельдшер-акушерлык пункты ачылды

12 декабрьдә Морбаш авылында 100 урынга исәпләнгән яңа мәдәният йорты һәм фельдшер-акушерлык пунктлары биналарын ачу тантанасы үткәрелде.

Тантанада олы кунаклар катнаштылар - Татарстан Республикасы Мәдәният министрлыгының Республика тридицион мәдәниятне үстерү үзәге директоры урынбасары Гали Габдрахманов, Бөтентатар Конгрессы Башкарма комитеты бюросы әгъзасы, татар эшмәкәрләрен берләштерү буенча эш юнәлешен җитәкләүче, чыгышы белән шушы авылдан булган Фәрит Уразаев, район башлыгы Нәфис Закиров һәм башкалар морбашлыларның олы шатлыгын уртаклаштылар.

Кунаклар яңа мәдәният йорты бинасын, ФАПны карадылар. Соңыннан тантанада катнашучыларга матур концерт программасы тәкъдим ителде.